Ambaliyar Ruwa Ta Tashi Gari Guda A Jigawa

 Wani mamakon ruwan Sama da aka tafka

 yayi sanadin raba daruruwan mutanen

 kauyen karnaya dake jihar Jigawa da

 muhallansu sakamakon ambaliyar ruwa.

Aminiya ta wallafa  cewa,  ambaliyar ta

 kuma lalata gidaje fiye da rabin gidajen

 dake kauyen.

Kauyen na Karnaya na dab da Dutsen, wato

 babban birnin jihar.

Ambaliyar ruwan dai wacce aka farata tun

 misalin karfe 6 na yammacin Asabar ta

 tayar da mutanen kauyen tsaye har zuwa

 yammacin lahadi, inda suka koma neman

 mafaka a ajujuwan makarantun yankin.

Da yake zantawa da manema labarai, daya

 daga cikin mazauna kauyen, Ado karnaya,

 ya ce,

"Tun jiya har yanzu ban samu naci abinci ko

 kuma na rintsa ba. Idonmu biyu muna

 kokarin tallafawa 'yan uwanmu."

Da wani wakilin Aminiya ya tuntubi

 shugaban masu bada agajin gaggawa na

 jihar Jigawa ( SEMA), Yusuf Sani Babura, ya

 tabbatar da faruwar lamarin.

Yace ambaliyar ta tashi kusan ilahirin garin,

 yayin da su kuma suke kokarin Samar da

 matsugunai da abinci ga mutanen da

 lamarin ya shafa.

"Gaskiya ne ilahirin kauyen ruwa ya tafi da

 shi. Yanzu haka ina wajen tare da

 ma'aikatana muna kokarin basu tallafin

 abinci da muhallai.